曼城領隊哥迪奧拿嘅82歲媽媽莎拉，喺巴塞隆拿感染武漢肺炎後離世，一眾曼城球星包括艾達臣摩拉斯、史達寧同奇雲迪布尼等都喺社交媒體上致哀。曼城周一證實哥帥母親染疫過身後，奇雲迪布尼喺twitter上表示「我嘅心𠵱家同哥帥及佢嘅家人同在。一個團隊。」史達寧亦喺ig上向哥迪奧拿同佢屋企人致以最深切慰問，佢話「悲慘嘅消息，一個令人傷感嘅方法提示我哋要留喺屋企保護自己。」門將艾達臣摩拉斯喺ig上載表示「我嘅心與哥帥同佢屋企人同在，我哋與你哋同在。」另外，利萊辛尼同拿樸迪都有喺社交媒體安慰哥迪奧拿，班捷文文迪則表示︰「你對我好似對自己個仔咁，就好似生活喺同一家庭，我哋一齊歡笑，我哋一齊喊。我對哥帥同佢屋企人致以最深慰問。」
