唔見棺材唔流眼淚。意大利北部教堂日日舉行棺材晒冷合葬，馬德里溜冰場變身停屍間，疫情未致失控的愛爾蘭將百年博物館空出等待被徵用做醫院或者暫存屍體，紐約貨櫃車做物流搬屍完全唔係荷李活災難片鏡頭。咁樣係唔會令你驚？
抗武肺成為全球典範的台灣，一個清明連假墾丁遭人潮淹沒，剛成功在口罩外交盃中逆轉勝贏到九點五分的台灣，隨時尾門失守。對岸剛復市的黃山景區也是人山人海，東京雪櫻盡放居民逼爆睬安倍都傻。出得來行，預咗要還，歐美各國口罩物資樣樣缺的醫護，叫人堅守宅家，簡直嘥氣。最喪是連醫護自己也按捺不住，台灣就有三十多名醫護遊墾丁被斷正。人心肉做的嗎？別問，澳洲政府擱下重話，指封國措施極可能維持多六個月。嘿，唔睇球賽慘過乜的莫總理堅持到再算。香港人頂得住復活假的外遊香港腳發作嗎？痕到由腳上頭喎？侵侵說美國這兩周死得人多，關愛國藍屍叉事！可惜連澳門都鎖門，北上被檢疫14日，嚴重傷害香港藍屍的感情！唔見棺材唔流眼淚，袁教授明察，武漢人上載排長龍認領親人骨灰（只有罈子沒有棺材）的照片，火速被消失；消失的地方，找得到法國記者（學PK鄧幽默）點名的祭品比卡超，呃，寶可夢嗎？