商務及經濟發展局局長邱騰華昨日到立法會出席會議，他以憑感覺批港台節目違一中原則的言論，不只令議員及港台員工譁然，連一些前公務員也大搖其頭，感嘆今天政府高官只講政治，連基本道理也不講。有政界中人稱，其實不少高級公務員早已對這股風氣感心淡，之前多名首長級公務員離開政府，其實只是開始，「恐怕離開嘅人陸續有來」。
該政界人士對季陶說，早前有報道指多名首長級公務員離開政府，他也認識不少現任或已離任官員，這些官員不約而同對他說，正如季陶之前所寫，政府內講紅、講政治正確、跟從長官政治意志辦事，較是否跟規矩、按事實做事更重要，所以令不少官員開始心淡，「政府高官人工係高，但點都高唔過商界，有能力嘅所以唔走，多多少少有啲使命感，但睇到𠵱家政府做嘢，明知咁做必死，因為要講夠紅夠政治正確，都要撞埋去，點會唔心淡，不如襯仲有市場提早離開。」
士氣衰過梁振英年代
另一專業界人士更指，不少高級公務員也對特首林鄭月娥做事方式有意見，「你話係咪個個會即刻走？咁又唔係，但有幾多人諗緊走、又或者睇下外面有冇好路數？其實亦唔少，不過經濟轉差，𠵱家要出去搵好位冇咁易」，但他直言今天公務員士氣不只差過曾蔭權年代，「甚至好唔過梁振英，問題出喺政府最高嗰個，但佢成日將問題推落下面，咁士氣又點會好？壓力又點會唔大？」
季陶
周一、三、五刊出