華基爾雲迪積克（VVD）最近選出心目中嘅英超五人足球夢幻隊，唯一條件係唔可以揀番利物浦嘅隊友，最後佢揀咗門將艾達臣摩拉斯（曼城）、拿樸達（曼城）、奇雲迪布尼（曼城）、孫興民（熱刺）同埋奧巴美揚（阿仙奴）。VVD話艾達臣摩拉斯非常傑出，但補充話隊友艾利臣比加仍然係第一；至於拿樸迪，VVD話「佢係非常、非常、非常出色嘅後衞。」講起奇雲迪布尼，VVD就勁讚話︰「首先我認為佢係一個好人，而佢亦係一位非常出色嘅球員。」另一中場人選孫興民，VVD話佢好快、強壯，令到球場上嘅後衞好似處身地獄，左右腳都好出色。而前鋒奧巴美揚，VVD指佢同拿卡錫迪嘅組合好出色：「我都可以揀阿古路，但我認為奧巴美揚係出色嘅前鋒，入球數字已經證明咗。」