59歲無綫前藝人戴志偉轉行保險多年，近日被爆疑背妻偷食，被影到與年輕女同事Candy十指緊扣沙灘漫步。大批傳媒昨日在男方烏溪沙寓所守候，上午10時半，戴口罩的戴志偉揸車外出，當發現傳媒後，即不停兜圈，一度想撇甩記者，但不成功，更突然在往西貢的公路上停車半分鐘，又拿出手機反拍記者非常危險，擾攘10分鐘，他最終返回寓所，與前日勞氣爆粗比較，態度收斂。
有報道指戴志偉和Candy同屬「保險界一哥」連炎輝旗下，Candy本是化妝師，因為樣靚口才又好，近年轉職保險才認識戴志偉。據知連炎輝為免令行業聲譽受損，已向同事下「封口令」，又暫時將兩位當事人分組避風頭。
採訪、攝影：梁繼光、陳俊強、朱志聰
