武漢肺炎疫情嚴峻，專家同醫護人員都呼籲市民留家，保持社交距離。港大感染及傳染病中心總監何栢良最近拍咗三條片，分別係「食物衞生」、「外賣選購」同「洗手液使用篇」，畀貼士大家點樣喺日常生活保持衞生。何醫生話，因為香港普遍人人戴口罩，所有食物基本上安全衞生，唔使擔心食物受病毒污染，但佢建議生果蔬菜食之前要浸一段時間，連罐頭表面都用水沖吓，「熱氣嘢間中要食吓，壓力太大」，但記住食之前要洗乾淨雙手。超級市場嘅手推車同購物籃好多人用過，就同𨋢掣一樣，用完一定要用酒精搓手液搓手。佢又提醒市民，用酒精搓手液唔好慳，要擠得夠多先可以殺死病毒。