中國唯一喺足球界受到世界認同嘅，應該就係前中國女足隊長孫雯，佢曾獲國際足協頒發上世紀最佳女子球員，又帶領中國奪得6屆女足亞洲盃以及1次世盃亞軍，亦因此有咗「鏗鏘玫瑰」嘅綽號。4月6日原來就係呢位前世界足球小姐嘅47歲生日，而佢家陣已經成為中國足協副主席，身份唔同晒，但係中國足球喺佢入主後，似乎暫時都唔見有乜起色。