由於歐洲各地賽事停擺關係，導致球會收入大減，西甲球會馬德里體育會近日就宣佈，所有一隊球員要減薪70%，不過中場馬高斯洛蘭迪嘅心情過似乎冇受到影響，近日隔離期間仲喺ig貼上自己愛犬趴喺地上嘅照片，仲寫住「Anfield正睇住時間過去」，間接透露愛犬叫做晏菲路（Anfield），即係利物浦嘅主場名。上月馬體會喺歐聯16強次回合作客挑戰利物浦，最終憑住後備入替嘅馬高斯洛蘭迪喺加時階段梅開二度，將今季表現出色兼力求衞冕嘅紅軍踢出局。事實上，呢位25歲中場並唔係馬體會常規主力，今季喺各項賽事僅入三球，其中兩球就係喺晏菲路球場射入，可見佢想用一個特別方式紀念呢個時刻。