服裝指導Sunshine Yuen一個月前飛往美國紐約，學習將服裝老舊化（ageing）。赴美進修全因她感受到前所未有的危機感，當政府部門有限度運作，劇場無法租用場地、申請街道拍攝。加上早前大陸演員來港要隔離14日，開戲更難。她作為服裝指導經常要與演員密切接觸，「尤其是群眾演員，我要幫佢哋換衫，之後又要做好多消毒程序」，連與她合作的裁縫都因不願接觸外人而停工。
「人唔可以只有一個專業」
Sunshine的履歷頗亮麗，香港演藝學院道具製作畢業，曾到英國國家歌劇院實習，2014年入行後從事服裝指導工作，曾參與《花木蘭》、《攻殼機動隊》等外國製作，但面對電影業寒冬，一樣手停口停，「我哋呢行好感受到，社會一有問題就cut娛樂嘢……以前不斷戲接戲，兩年淨係放過兩星期假，個人冇乜危機感，其實人真係唔可以只有一個專業」，Sunshine承認服指競爭大，故不敢怠慢，到紐約提升自己。
早在反送中運動，Sunshine已感受到電影業走向低潮，「聽到有演藝界朋友過關被困72個鐘，我就唔想返大陸做嘢，但嗰時都仲叫有得揀」。她開始參與一些澳門酒店的燈光及室內設計項目，發掘新技能。社會運動令她察覺教育的重要性，「嗰時仲諗，唔做電影會唔會去做生命教育呢，但覺得自己其實對電影未心死」。
Sunshine打算完成進修後，或留在美國尋找發展機會，「《花木蘭》會用年幾去籌備買布，喺香港做服指有個半月時間準備已經好幸福，要設計、fitting、畫story board、製作」，她希望將來可以參與更多參與外國製作，「stay positive先可以喺呢行留咁耐」。