【本報訊】武漢肺炎疫潮陰霾籠罩下，戲院被視為播毒溫床而遭政府列為需要停業的場所。電影發行商高先電影有限公司董事總經理曾麗芬說，今年頭三個月比起上年同期，總體票房大跌九成。部份電影需延期上映，例如講述老年男同志的電影《叔．叔》，即使入選第70屆柏林國際影展觀摩電影兼榮獲金馬獎五項提名，亦由3月頭延至4月下旬上映。
電影導演舒琪亦在facebook慨嘆，電影人可能是最受疫情影響的工種，「完全冇工開，好多幕後人已被迫轉行」。本報訪問不同崗位的電影人，他們大吐苦水指市道不明朗，投資者亦紛紛叫停項目，電影工作者惟有自尋出路。他們有些早在疫症爆發前已經轉行或進修，但仍渴望有日能重返拍攝現場。
記者：陳詠恩
攝影：許頌明、何量鈞、朱永倫
《逆流》副導做地盤雜工頂硬上
Wilson入行逾10年，回想去年反送中運動開始，已有好些電影因投資者取消注資而喊停開拍，他亦聽聞有內地電影不肯聘用香港人，「去年6月我完咗部戲，有幾部戲打嚟話埋位，正常7、8月係旺季，但之後都話要取消或延期，我同太太商量，覺得再等落去唔係辦法」。他聽朋友建議，硬住頭皮報讀建造業工程課程，10月起到地盤當雜工，收入比之前少，但還算不錯。
日曬雨淋數月，Wilson曬出一身古銅色皮膚，「我新入行做雜工，鋸木、落石屎乜都做，有室內裝修亦有地盤」。Wilson是回流港人，小時候跟家人移民加拿大，即使身處異地，港產片依然陪伴着他成長，長大後修讀電影，畢業後剛好香港這邊有機會，本身對香港電影充滿嚮往便回來。
轉換心態面對逆境
在片場由低做起，經常被厲聲斥責，跟前輩學習，慢慢升到副導演之位，「副導演就係統籌現場所發生嘅事，傳遞導演所需要嘅嘢。前期要安排演員、臨時演員嘅拍攝時間，要顧連戲嘅嘢，盡量唔好要導演等，無論道具、化妝、器材都要安排。困難但好玩，副導演唔易做但做得嘅都係好愛電影，邏輯性要好準」。由於能說一口流利英語，《攻殼機動隊》等外國電影來港拍攝，他也有份參與製作。
近來身邊很多行家跑了去揸Uber、的士，他強調無意將地盤工作與其他職業作比較，但承認轉行之初的確歷盡掙扎，「當初我轉工唔開心咗好耐，我大家姐同我講，我哋係好小撮人做到自己鍾意嘅嘢，唔係個個都可以，𠵱家個時勢咪做住先，捱過先」。
Wilson是港產片《逆流大叔》的副導演，電影講述四個中年男人透過划艇，由廢中變成熱血中年，Wilson笑說自己猶如戲中角色，無法改變環境，惟有轉換心境，「𠵱家有邊個唔係逆流大叔，盡力做啦。做得電影呢行都係真心有熱情，好難摵得甩」，他亦準備隨時歸位。