全球體育項目包括東京奧運、歐洲和亞洲足球賽事等因武肺全部叫停，一班「講波佬」慘變零收入。據悉現有約50、60位足球評述員，除NowTV支付月薪的十多名足球評述員有固定收入外，其他人零收入，有人要暫時轉行揸車送貨維生。
為有線、FOX等任足球評述員的劉舜文前日接受《蘋果》電話訪問時說：「我係全職評述員，冇辦法，只能夠見步行步，呢刻完全零收入，惟有慳啲使。」是否家中經濟支柱？他說：「養家就一定要啦，每日用嘅錢盡慳同計過，貴啲嘅餐廳都好少去，多數留喺屋企。」同樣為有線講波的劉建基表示：「香港大部份都係做一個節目收一個節目錢，我哋冇底薪嘅，冇包騷，成個行頭都幾麻煩，有啲行家去做酒店炒散，都冇得你做啦。」
採訪：魯吉