武漢肺炎肆虐，政府前晚宣佈昨日下午6時起酒吧要關閉14日。廖碧兒於中環經營酒吧已經逾7年，近日因武漢肺炎生意已大受影響，現還要暫停營業，問到她影響會否加重？她回覆《蘋果》說：「其實禁制令之前我哋已經閂咗一個禮拜，冇乜點影響，因為本身預咗用呢段時間裝修。我哋開咗咁多年，都差唔多係靠熟客。一開頭有coronavirus嘅時候，我哋會特別清潔，提供消毒用品畀客人，不過當太危險、會影響健康嘅時候，我哋都決定閂。」
廖碧兒日前剛從加拿大返港，現正接受居家隔離，她說：「我返咗嚟幾日，其實我同啲狗仔都要隔離，始終啲狗仔年紀比較大，穩陣啲，連我媽咪都要去另一個地方住。」
趙勁皓：影響市民
向華強太太陳嵐早前曾鬧爆建議推出「限酒令」的特首林鄭月娥無能，指她會打爛不少香港人飯碗。對於政府下令關閉酒吧，向太回覆《蘋果》時說：「政府行呢啲措施，錢拿出來幫補中小企，酒吧餐飲服務業，很多餐飲服務關門歇業。」她又指寧可政府將錢幫助失業的港人，也不要出錢包機接載滯留秘魯的香港人，認為是浪費納稅人的錢。而酒吧老闆趙勁皓回覆《蘋果》，指林鄭的停業令非常無謂：「之前嘅政策已經令到大部份行家拉咗閘冇做生意，好希望佢施政一刀切，𠵱家做啲唔做啲，對個疫情又無幫助，只係影響到市民！」
定期消毒美容店
近日因有美容師確診，傳政府下令美容店停業14日後，突然又「解禁」，前亞姐李妮在尖沙嘴經營美容店7年，她昨日接受《蘋果》電話訪問時說：「近日確診真係多咗，保障大家安全，呢14日我哋先暫停做facial服務，但仍然提供門市賣護膚品。」在佐敦開美容院的陳偉成則會繼續營業，他昨日受訪時說：「我哋係細細間美容店，約有3、4間獨立房提供畀客人，我哋都好安全，搵咗專業消毒公司定期去店做深層清潔。」
採訪：羅慧敏、陳杰、鍾國仁