近來唔少公司畀員工在家工作，不過睇嚟梁美芬嘅夥計就冇呢個福利喇。噚日晚飯時段前，梁美芬喺fb上載咗一段影片，幫撐警藝人楊明開嘅「燉湯」宣傳，仲勁hard sell咁喺電腦播住楊明有份演嘅《機場特警》（圖），表情生硬咁話「湯好飲，劇好睇」，不過好多網民鬧爆佢用議員身份幫人賣廣告，而且令網民更不滿「燉湯」同CCTVB！
其實間舖同套劇已不斷俾網民狙擊，梁美芬咁搞一搞，恐怕又挑起網民新一輪攻勢。至於條片，八方覺得幾唔衞生，梁飲完湯後又唔戴返口罩，似乎就唔係好跟衞生防護中心嘅指引，睇嚟佢都要花少啲時間煲劇，聽多啲張竹君醫生記招嘞。而且成個植入式廣告又生硬又突兀，黃絲睇完自然嬲上加嬲，藍絲睇完亦唔覺吸引幫襯，似乎倒米多過吸客。