我求大俠覺得睇鹹片唔係咩罪過，但近期受武漢肺炎疫情影響，搞到要留喺屋企隔離嘅英超諾域治後衞添姆高路斯（小圖）就好老尷喇，話說高路斯喺ig上載張相，證明自己要睇Netflix卡通節目嚟打發時間，結果竟然俾眼利嘅網民發現，佢電腦個mon上另有一個分頁，竟然係全球最出名嘅成人網站Pornhub嘅網址（圖），真係笑死大家。好多網友都係咁笑高路斯呢個天與地嘅反差，仲話如果疫情第日好轉，高路斯一定會好掛住呢段可以喺屋企睇鹹片嘅日子，仲話叫佢下次po相之前，記得閂晒啲分頁，如果唔係大家就知道晒佢嘅dark side。