世界各地近期陸續響應「為醫護鼓掌」（Clap For Carers）活動，其中英國威廉王子三名寶貝仔女，包括佐治王子、夏洛特公主、路易王子係肯辛頓宮，帶住燦爛嘅笑容，齊齊拍掌一幕最令人窩心。
本港嘅太古地產愛心大使，今晚就會聯同其他機構參與「Clap For Carers為醫護鼓掌」活動，呼籲港人發揮正能量，晚上8時無論身在何方，都為本港嘅抗疫英雄，熱烈鼓掌最少一分鐘，希望集齊全港巿民掌聲，向正在守護病人、無私嘅醫護人員，表達衷心謝意、無言感激。太古地產愛心大使更專誠設計咗特別海報，集合眾人力量，呼籲更多市民參與。
今次Clap For Carers源自英國一名來自荷蘭嘅女瑜伽導師，上月底喺Twitter發起呢個醫護鼓掌活動，呢個訊息之後獲大批網民轉發，包括皇室人員響應參與，令各地陸續加入。