自由黨前成員李梓敬去年以96票之差，未能成功連任區議員。他前日在YouTube貼出以「前港姐歐陽巧瑩博出位，推大麻合法化，仲要選議員？」為題的影片，他說：「歐陽巧瑩女士已經結咗婚，之前已經有好多出位行徑，好似喺『世界無胸罩日』，她就着啲衫特登唔戴bra，擺上Ig宣洩好似女權咁，我睇唔到唔戴胸罩同女權有乜關係，你又要懶係同政治訴求拉上關係咁。」李梓敬又鬧歐陽巧瑩提倡大麻合法化。
歐陽巧瑩昨日在Ig反擊：「李生你邊位呀？歪曲事實喺度評論我，其實私下討論，我就無任歡迎嘅，但你公開評論我，就麻煩畀返少少道德操守，唔好喺度亂做文章。李生你咁嘅level，無論女權定大麻合法化，你都未有資格評論，做多啲功課先啦！」
撰文：余嬌