關美薇（Nat）為近年在香港社交平台冒起的時尚界KOL，擁有多樣化的身份！她來自音樂世家，父親關維麟是80年代香港著名唱片監製、前寶麗金亞太區總裁，資深音樂人泰迪羅賓是她伯父、關楚耀是她的哥哥、懂彈琴唱歌的她前年更曾於胞兄演唱會中擔任嘉賓、正職是在兒童學習中心做英文老師，slash世代的她，卻大呻KOL唔易做！
撰文：梁錦雯
攝影：周樂恒
關美薇於加拿大出生，高中時回流香港，在香港大學心理學碩士畢業，屬高學歷一族，她畢業後第一份工在時裝品牌做採購工作，之後就轉行做英文老師，做小朋友眼中的Miss Nat，日前她接受《蘋果》專訪大談由教師變成網紅的歷程：「我喺learning centre度教，主要教小朋友，做咗6、7年，係畢業後最長一份工，不過教教吓有啲多餘時間，慢慢就有人問我出唔出吓啲event，出吓出吓就有人開始稱呼我係KOL、influencer。」
每張照片也具心思
網紅往往給人的感覺是見盡美事，在Nat的Ig平台可看到她與不少時裝、珠寶及美容品牌的合作，更分享不少私人生活，包括早前跟金融才俊未婚夫袁煒熙於巴黎拍婚照，Nat表示網紅跟教師工作性質很不同：「平時係對住細路仔，到event係對住大人，social skill好重要，我有少少怕醜，所以要慢慢train，對住細路仔好天真單純可以直接啲，對大人要圓滑啲。」KOL看似簡單，Nat就認為網紅也需要用心經營：「好嘅一面真係大家都見到，好多禮物收，收禮物一定開心，但有啲背後嘅嘢大家都睇唔到，例如影完一張相，我要做好多過程，又要執顏色、又要諗caption，唔係大家睇得咁易，我試過upload一張相要兩個鐘頭。」
教育工作終身事業
外國的網紅一個帖文可以收天文數字收入，Nat表示對方背後有努力經營，而她自己亦坦言工作量多時，收入是多過正職，但她純以興趣來看待：「唔當係一個職業，對我嚟講係just for fun，首先我覺得呢樣嘢唔係好長遠嘅事，我都唔係日日做呢樣嘢，尤其𠵱家啲活動停晒，如果真係當一個職業，都會好慘。」Nat真正的理想事業，是擁有自己的學習中心：「自己好鍾意education，唔排除將來有機會想開一間自己learning centre，但香港做生意好難，所以我要plan得好少少去實行，可能要十年時間。」
攝錄：林德雄、郭賢興
服裝提供：Bally
化妝：Gary Lau of NARS
更多精采時尚內容，盡在 http://add.appledaily.com。