因為爸爸為香港著名唱片監製關維麟的緣故，Nat小時候已見盡不少天王巨星，3歲更已認識黎明：「成日都見到爹哋公司啲artist，好似黎明，我以前好鍾意，3歲已經覺得佢好靚仔，成日見到張學友，覺得佢唱歌真係好叻。」Nat愛唱歌，亦有鋼琴五級水平兼懂吹長笛，但坦言不會效法哥哥入行做歌手：「第一，我唔夠阿哥靚，第二，亦都冇佢唱得咁好，我係識唱歌，但有好大進步空間。」現在Nat與哥哥簽同一經理人公司，成為同門，關係親上加親：「我哋差5年，由細到大都好close，佢一定係我偶像，幫我做我司機同攝影師，教識我影相。」
除工作外，目前對Nat來說最重要的事，當然是籌備婚禮，她與拍拖6年的男友將於今年9月在西班牙馬略卡小島舉行destination wedding，笑稱她爬了哥哥的頭：「我唔係好細個，都係適婚年齡，好多朋友都係呢一兩年結婚，個個都想後生啲生細路仔，我都想結婚一年後生BB。」
更多精采時尚內容，盡在 http://add.appledaily.com。