【本報訊】「停業都好嘅，安心啲，如果有人喺我個場中招，對我哋聲譽咪仲大影響！」一名夜總會媽媽生表示，政府推行的夜場「關門令」相當倉卒，業界都是下午才得到消息，負責人正忙於通知員工不用開工，更笑言：「反正今晚不用開工，等我瞓返陣先！」
不過，她直言今次武漢肺炎疫情相比沙士更嚴峻，反而早前反送中運動並無對業界造成太大影響，但自從疫情肆虐全球後，對全港夜場夜店形成致命打擊，並藉此寄語夜總會「小姐」們，積穀防饑的重要性，不要財來財去。
目前全港最大規模尖沙嘴兩大夜總會「富都」及「侯爵會」，今晚都因應「關門令」不會開門，記者到過該兩間夜場，其中位於麼地道的富都夜總會，下午3時已關門大吉，全店烏燈黑火，有職員直言：「政府刊憲唔畀開門，（我哋）損失14日營業額！」
旺角夜場熄燈搞衞生
同樣在麼地道的侯爵會，因應肺炎疫情來勢洶洶，負責人早於上周六起自行休業。位於旺角登打士街K壓大本營，昨晚亦全線熄燈，其中金寶城夜總會職員直言，疫情下生意已大減，加上14日停業令她們「冇工開，冇糧出」，影響很大，惟有趁機關門「搞衞生」，希望14日後能重開。
夜場「被熄燈」，玩家亦冇癮」！以往蒲盡全港夜總會的玩家蕉仔坦言，因應疫情太嚴重，不少朋友近日已減少光顧，「仲去幫襯即係搵命博箒」，惟有留在家中最為安全。
■記者莊建鑫