特首林鄭月娥上周宣佈限聚令，管制餐廳食店營運及禁止多於四人聚會，同時關閉六種娛樂場所，卻放生卡拉OK及麻雀館，當時已有聲音批評是抗疫漏洞，但政府仍死撐無問題，結果昨日爆出卡拉OK感染群組。有政界人士直言，不少業內人士早已批評，林鄭為顧及自己以及行政會議成員、飲食界立法會議員張宇人的政治利益，「防疫政策只顧大集團生意，要中、小型店舖犧牲」，最後連市民健康也犧牲。
管制措施針對小店
有民主派人士對季陶說，當日限聚令一出，不少中、小型食店老闆已向他投訴管制措施表面公平，實際是針對中、小型店舖，照顧大集團生意，「連鎖酒樓、餐廳個場大，放少一半枱仲可以做到生意，但小店好多得十張八張枱，根本冇得搞」，其實小店不介意全面不做晚市，但大集團肯定反對，「佢哋啲場租金隨時以百萬計，除非政府賠足，否則會好傷」，張宇人正代表着這些大集團及商會的利益，早前他與商會見林鄭，當中包括卡拉OK商會代表。
另一政界中人表示，政府指卡拉OK屬飲食業界一部份，也受餐廳食店營業限制規管，根本是反智，「卡拉OK有飲食牌，但入面不論間隔、去嘅人目的，根本同餐廳食店完全唔同，根本為放生搵藉口」。他相信背後目的只是為張宇人保住飲食界鐵票，「民主派要挑戰張宇人個位，林鄭為自己又好、為張宇人都好，一定要保住佢啲票，林鄭喺交畀北京嘅抗疫報告有講，用抗疫幫建制助選，佢𠵱家咪照做」。
卡拉OK感染群組爆出後，張宇人接受傳媒訪問，仍死撐卡拉OK已有食肆牌，要遵守有關餐廳食店的管制，堅持毋須停業；另一行會成員湯家驊否認政府有漏招，但同意政府可立即收緊措施，要求卡拉OK及麻雀館停業。該政界中人指，林鄭絕對有空間今日立即封卡拉OK及麻雀館，「問題係佢將政治、大集團利益行先，定香港人健康及抗疫行先」。
季陶
周一、三、五刊出