薛家燕昨日70大壽，她原定前晚筵開四十多席大宴親友，不過最近政府立例禁四人以上聚會，因此生日宴被迫取消。家燕姐昨日接受《蘋果》電話訪問時說：「今日只同家人喺屋企慶祝。」問到生日願望？家燕姐謂：「時光過得好快，咁快70歲，我希望身體健康，唔要咁多工作。疫情快啲過去，香港恢復繁榮，全球都係，今次影響好大，我一生人中覺得呢次係最大疫情。」
家燕姐的子女及新抱昨晚陪媽咪過生日，她說：「細女之前喺美國返咗嚟，都自我家居隔離咗14日，啱啱完結，我晏啲就去接埋細女返屋企。」長女石祐珊仍身在美國，今年未能陪媽咪慶祝生日，但她不忘在社交網給家燕姐送上祝福。
採訪：劉敏