武漢肺炎確診個案在歐美飆升之快，令我想起做小學雞的時候，由朝到晚擔心功課跟唔上，留級的威脅揮之不散，謝謝觀音菩薩聖母馬利亞，當時戰戰兢兢總算安穩度過，以為從此一勞永逸，不料幾十年前的噩夢，終於應驗在瘟疫蔓延時。別說其他地方了，即使是身處的法國，過萬之後我已經神經麻木，天天聽完新聞報告，最新數字無論如何不入腦，名副其實「跟唔上」，升班機會恐怕微之又微。這幾天得悉美國破了十萬大關，東岸西岸各有重災區，一半患者在紐約──哎呀，區區一州，比法蘭西全國加埋更多？這才忽然醒了一醒。怎麼可能呢？以人口比例計太可怕了，簡直驚到腳板底都出汗。所以香港人真係叻，政府那麼腐敗，抗疫全靠自己，確診六十五宗已屬單日最高紀錄，犀利啊。
嫌封關冇乜意思的哽咽大師，禁酒令淪為笑柄，和市民最新的親密行為，是限制公共場所人流，戲院健身院暫停營業，但竟然特別關照「四人幫」，餐館只要每張枱不超過四位顧客，枱與枱之間保持一米半距離，所有職員和人客戴上口罩，便可繼續開門做生意。吓，請問戴住口罩點樣食飯？話人冇腦，粗俗講法是「用屎忽諗嘢」，這些地方官的身體功能或者真的與一般人有異，嘴巴只負責講大話，進食透過肛門。縱使解決了基本難題，大家齊齊戴住口罩用屎忽食飯，這條禁令仍然似青蛙跳水，不通不通不通──人多的地方容易傳染病毒，禁聚當然是可行之計，然而允許四人幫橫行，十枱就是四十人，二十枱就是八十人，風險難道不高？屎忽忙着食飯，唔該用其他部位諗嘢啦！