【本報訊】香港的上海理髮店買少見少，上海僑冠理髮公司捱得過沙士，敵不過武肺，在人人怕身體接觸大環境下，僑冠宣佈結業，「做咗30幾四十年……其他（上海舖）都死晒」。操上海口音廣東話的高老闆感嘆時不我與。
熟客讚師傅擅剪油頭
僑冠今日正式結業，昨日開門至黃昏6時，高老闆說：「聽日開始我都冇話事權，交畀業主。」他說舖位租金不算貴，每月約七萬元，惟肺炎肆虐，生意大跌三分之二，「冇本錢蝕呀！呢個疫情蝕得太多，如果仲有三分二（生意）我都做落去」。僑冠過去兩個月平均每月蝕至少四萬元，至3月終於「頂唔順」決定結業，高指「可惜都冇用，慘都冇辦法，冇得返轉頭㗎喇」。他還說未來不會「重出江湖」，惟有「打份工」維持生計。
最後一天營業的僑冠熙來攘往，客人要排隊等候理髮。居住新界的吳先生專程來光顧，「都喺度剪咗幾年，想剪最後一次」。吳認為上海舖師傅功架較好，「唔會覺得呢度老，而我後生（嚟）會係一件突兀嘅事」，僑冠結業後，他會尋找其他上海舖理髮。
光顧兩年的熟客葉先生指，僑冠價格相宜，師傅手勢亦較好，他慨嘆上海理髮舖是傳統香港文化一部份，如上海理髮舖消失，感覺市區面貌「少咗啲嘢咁」。葉說，上海理髮舖對年輕一輩而言可能會有神秘感，但剪過後會發現是傳統文化的一種展現，加上現時流行剪「油頭」，上海師傅正是剪該髮型的佼佼者。
■記者廖承志