22歲女警在醫院抽血時不肯戴口罩，對醫護要求沒理會，最終確診，兩位無飲酒被迫跟她有緊密接觸的護士出現病徵需要檢疫。女警唔肯戴罩，大家老豆搵仔幫手諗吓點解：
一，睇成龍做戲學做差佬……差婆的女警，對飯聚冇罪咎感，假如勸她戴罩的是哽咽PK，女警實聽話喊住戴，唔理個樣似陳肇始。
二，佢老細PK，無罩出巡NOW電視台都得，女警入醫院無罩就唔得？女警乘機砌醫護歧視的劣根性生豬肉，搵法國姓蘇那位鬼佬中文教授，挾洋撐警。
三，好明顯，女警是在醫院進行「群體免疫」，超越英國首相，做攬炒madam。
四，可能太投入，女警滿腦子向發過「三萬，thx」留言的人還拖，醫護是緊接區議會主席被控「煽動意圖罪」之後排第二的報復對象。無罩播毒，公器私用，green object與女警，無後顧之憂。
五，女警思覺失調，以為病房是南韓「N號房」，自己是「博士」操控的受害人，對住26萬「觀眾」打真軍，唔能夠戴罩出鏡。