武肺疫情沒有退卻迹象，特首林鄭月娥早前宣佈4月20日復課無望，家長們猶如晴天霹靂。
全天候24小時照顧孩子，父母「痛不欲生」，基層父母與子女「密室困獸鬥」，百呎內面臨情緒崩潰。中產家長也不見可以免疫，對孩子的心理健康憂心忡忡，不過親子關係反而增進了。
身在無限期假日中的孩子，則各有各忙。有學生須加倍補習，忙過返學；有學生忙着打機，keep calm and GG。
記者：梁嘉麗 鄭祉愉 張文鈴
攝影：朱永倫 家 皓 許頌明
【中產留家工作 增長感情】
馮家：姐弟終可向父撒嬌
原本聚少離多的馮家四口，卻意外因疫症變得溫馨。從事旅遊業的馮父Marco常年在外公幹，大半個月不在港，馮太Kathy是全職家庭主婦，常獨個兒照顧兩姐弟，駕車送兩姐弟去興趣班。疫情之後，因Marco留家工作，兩姐弟終於能常常看到爸爸。
以往Marco每月只有數天在家，職責是陪孩子玩，不甚明白Kathy日常所受的壓力。Kathy有時叮囑兩姐弟洗澡，要說3次以上，態度由溫柔到生氣，Marco以往鮮少體會。Kathy感受很深，「爸爸分輕咗小朋友畀我嘅情緒」，負起共同教育的責任。
一家四口選在平日行山，踩單車，又會在家中一起做家務，拖地抹塵，早上一起煮早餐，一起下棋和遊戲，感情拉近許多。以往父親常常缺席，如今兩姐弟晚上臨睡前，必定擁抱Marco，一早起來，仍會抱住他撒嬌：「爹哋，我真係好開心又見到你喺屋企，真係好掛住你。」Kathy感嘆：「因為佢多咗喺度，似番一個正常家庭。」
盧家：網上學習進度成疑
停課的難題之一，是情緒。記者造訪了另一個四口之家，一問起停課後心情，今年9歲的Sofie馬上垮下臉，扁嘴說「好唔開心」，妹妹Sissie卻樂了。她的父親Tom（盧有男）從事網購業，盡量在家工作，太太Peony（陳偉航）是SDM爵士芭蕾舞學院院長，雖停課但如常工作。兩姐妹以往一至六忙於上課、去興趣班，目前平日待在家中，由外傭照顧，周末偶爾外出去去農莊。
停課一個月後，Peony察覺女兒開始受不了，常常問：「媽咪我哋幾時可以返學？」兩女朝夕相對，爭執多了，家長常常要調停，令親子之間磨擦多了。尤其天性活潑好動的細女更不時尖聲大叫，在沙發上彈跳不休。Tom未有阻止或責罵，「嗰一刻我都由得佢嗌，因為知道佢發洩緊，好辛苦啊。」
求知欲減 孩子變番薯
兩家人均共同面對難題：網上學習。二月剛剛宣佈停課，全港小學安排殊異。大女Miki讀小四，細仔Matthew讀小二，學校每周更新功課安排，而每科老師會拍攝10多分鐘教學片段。不過學習進度起碼減半，Kathy以語文科為例，以往每周學兩三課，現在一周才一課，一周用兩天便學完課程。大女Miki直言：「咩都唔識，因為老師堂上講得詳細，有咩唔識可以直接舉手問。」班主任雖然每周致電家長，詢問學習疑難，但Kathy表示：「（網上教學）取代唔到（面對面上課），但都要諗辦法解決啦。」
停課近兩個月後，Tom觀察女兒明顯反應遲鈍了，少了問問題，「佢哋兩個變咗番薯」。Sofie在一旁搞怪和議：「我係番薯。」
要數疫情最大影響，Tom說是孩子好奇心強，求知欲旺盛，日常所見皆是衝擊，無法外出，孩子缺乏外來刺激，扼殺這種學習活力。所幸寵物變色龍剛剛產了三十多隻蛋，二女目不轉睛觀察，又觀察又找資料，家裏還能上了一課生態課。
上學生活規律，早睡早起，七點起來上學，二女現在常常拖到最遲凌晨一點入睡，十點才起床。以往限制每天用電子產品僅半小時，現在除iPad和看電視，沒事可做。「冇辦法，佢哋喺屋企時間太長。」Peony憂心長此下去嚴重影響孩子身心，打算讓兩姐妹逐步回復上單對單的鋼琴課，或極小班補習班，「你開番學佢哋自然會調節番」。
【劏房家嘈屋閉 情緒崩潰】
阿琴：兒子失控大哭
5歲的子俊在遊樂場中跑跑跳跳，媽媽阿琴一直都在喊他不要跑得太快、不要亂摸東西，但他沒有聽見，甚至把鞋子脫掉，極速爬上攀架又再跳下，阿琴搖頭說，兩個月以來，每周只帶他們都到公園玩一次。
停課的日子裏，阿琴和一對子女大部份時間都在家裏，丈夫一天12小時上班，而且要輪更，日夜顛倒，照顧孩子的重擔就落在她肩上，「停課對我哋生活真係好大影響，情緒變得好暴躁，個仔又成日喊，搞到鄰居以為我虐兒啊，差啲報警」。
在公園做訪問時，10歲的鳳儀一直乖巧地坐在媽媽身旁，偶爾說一兩句，停課這段時間，她要上網做功課，家中以往一直沒有WiFi，阿琴只好申請，$380月費實在非常肉赤。上網突然成為了必需品，她感慨，自己目不識丁，沒辦法教孩子讀書識字，卻希望他們能努力讀書，「好壞都係一餐」，寧可食用費減一點，也要讓他們好好學習。
要子俊安靜地坐一會兒，實在不易，停課令他開始沉迷玩手機，回家後，阿琴煮午飯，子俊卻機不離手，即使上廁所也要拿着手機，她說以往不會讓兒子長時間玩手機，但這段時間三人困在家中一整天，除了手機，根本沒有其他東西可以讓兒子靜下來，「玩到無電，就會同家姐爭睇電視，爭唔到就喊，真係頭痛」。
聽到孩子的叫喊聲，阿琴的頭痛問題越益嚴重，只能吃止痛藥，有時會問鄰居拿他們吃剩的藥，她說了很多遍，長時間面對孩子，令自己變得暴躁，連白頭髮也多了廿多條。
丈夫下班回家，看見兒子不聽教，便責怪阿琴，說「家嘈屋閉」是她沒教好子女，她反駁，自己根本控制不到，壓力爆煲，不知能向誰傾訴，「哎，呢段時間，真係以淚洗面！我識幾個家長都係咁，屋企有兩三個小朋友，屈喺咁細地方，好唔開心！」
影婷：生活百上加斤
記者又造訪了土瓜灣一幢唐樓的劏房家庭，影婷和一對子女住在大約100呎的蝸居內，第一步跨進玄關，第二步已在床邊，漫長的停課日子，她和子女大部份時間都坐在床上，「無咩嘢好做，佢哋有時會上網做功課、跟同學傾偈，有時屈得悶，就會出街打波」。
她從房內唯一的櫃中，拿出一張家庭照，12年前出生的一對龍鳳胎，今天長得比她還要高，訪問時他們都跑到球場去了，影婷說他們害羞，不想受訪，停課至今個多月，三人逼在斗室內，轉身也有困難，影婷說自己和子女的情緒都非常困擾，「以前佢哋唔鍾意返學，𠵱家反而想返學唔想留喺屋企，同佢哋講多兩句，就嫌我煩，索性唔出聲，大家唔講嘢」。
疫情還未退去，影婷和孩子也不敢出街，12歲正值青春期，兄妹二人情緒崩潰有時甚至會大打出手，但她沒法阻止，劏房內根本是「困獸鬥」，「依家日日對住嘈嘈閉，我又兩日先落街買一次餸」。每次回家後都要洗澡洗衣服，她說這個月水、電費比平常多了一倍，百上加斤，幸得一些地區團體送上日用品和防疫用品以解燃眉之急，只望疫情快退，讓他們返校。
【學生日日打機煲劇解悶】
這代學子，經歷了漫長的校園抗爭與街頭警暴之後，又要承受香港史上最長時間的停課。復課之日遙遙無期，到底他們停課下的生活如何？本報在深水埗區訪問多名中小學生，在疫情蔓延下全部人都減少外出，留在家中亦不外乎網上學習、打機、煲劇。最多人形容是一個字：「悶」！有應屆DSE考生不滿港府堅持舉辦公開試，心情受疫情影響備試；亦有小學生因停課而要上補習班加鐘學習，擔心追不上課程進度。也有中學生樂得清閒，不想復課，希望日日在家打機。
張同學（中六生）：
「𠵱家生活都係日日都匿喺屋企，都冇地方去。今年係（應屆）DSE（考生），但都冇得話點準備，因為始終都停咗課。
都OK嘅，因為除咗溫書，仲可以打機都OK，因為成班friend（朋友）個個都喺屋企。但有時會覺得好悶㗎，硬搵啲嘢做囉，搵朋友傾吓偈，有時睇吓書，聽吓歌，瞓喺張床度，咁就一日啦。考DSE一定緊張㗎啦，冇點算嘅，搿硬嚟囉。溫書心情點都有受疫情影響嘅，始終都幾危險。有咩打算？冇呀，見步行步囉。佢（政府）𠵱家咁樣（疫情嚴重）都要我哋去考，冇得講啦。覺得成件事好白癡囉，明明佢自己話普通學生停（課）到4月20日，佢（林鄭）都話唔樂觀嘅話，咁𠵱家嗌我哋去考（DSE）。」
余同學（小五生）：
「呢排冇嘢好做呀，所以我媽咪幫我報咗補習社去囉，以前就要返兩個鐘嘅，然後𠵱家變咗四個半鐘，辛苦過平日返學。停課功課比平日返學每日多咗兩至三份，但有時少咗。𠵱家用返補習社時間嚟做功課。有啲唔想繼續停課落去，唔知點解。我只係覺得好擔心上堂啲程度箒，都驚之後小六呈分試，影響升中。都冇得點算，只係可以等（政府安排）。
多咗時間係屋企，同屋企人相處時間多咗，關係好咗。𠵱家每星期出兩、三次，淨係補習先出街。都擔心自己會被感染，之後冇咩啦。點預防武漢肺炎？我係細路仔，我諗唔到。」
張同學（中四生）：
「𠵱家可能兩個禮拜先出一次，唔係買嘢都唔會出。停課係屋企打機，打半日、一日都有嘅，平時要返學就打一、兩個鐘。打一日機其實都好悶，但冇話想快啲復課，始終𠵱家都當放埋暑期嗰份，因為學校都講明暑期要補課個啲。下月都復唔到課嘅話，keep住打機囉，哈哈哈哈……屋企學習囉。
停課同返學功課量差唔多，有十幾份，𠵱家每日用一至兩個鐘在家學習，例如online lesson啦，淨係得把聲，但冇人囉，我唔係幾好意思開咪問（問題）囉，成40、50人喺度。我覺得成效冇平日上堂咁好，驚追唔上進度。即係考試照考，但你學嘅嘢未必係你上堂咁多囉。」
