胡曦文兩年前與未婚夫羅御軒（Joseph）一起搞慈善基金圓亡母遺願，日前更與溫碧霞推出唇膏籌款，胡曦文自言受母親影響最深是行善：「媽咪生前係好鍾意做慈善，𠵱家我就搞咗慈善基金幫人，也有自己品牌，完成佢心願，真係不枉佢對我供書教學。媽咪好有自己抱負，佢成日話呢個世界乜嘢都有可能，只要相信自己就做得到。」本月17日是母親的死忌，胡曦文如常工作和生活，不過心中仍懷念媽咪。
胡曦文大讚未婚夫Joseph是她的心靈雞湯，她說：「佢好正面，好陽光，畀我好多正能量。以前好多唔同男朋友，每個好好，我以前感情故事，好任性，有得也有失，但當中離合就學識好多嘢。如果全部都係得着嘅話，就冇嘢學得到。」胡曦文未來的人生規劃要活得開心：「情緒係好恐怖，我希望未來遇到乜嘢，每日都要開心面對。」