【本報訊】港府新一輪抗疫法令，似乎未能阻止公眾熱情投入群體運動。烏溪沙白石高爾夫球場上周六及周日連續兩晚人頭湧湧，波友在狹窄的球道上盡情揮桿。有波友質疑，港府「封框不封關，但高爾夫球場就唔規管，係唔記得，定係想保護（會打波的）有錢人呢？」
波友除罩打球
有不願具名的波友表示，馬鞍山烏溪沙白石高爾夫球場前晚60多條球道爆滿。他指，該球場一向甚受有錢波友歡迎，但甚少爆滿，形容情況非常罕見，「其他地方都關晒，食飯又唔可以聚埋一齊，一定有好多人諗其他消遣，邊度冇規管就會去邊度」。
他指出，該球場的球道間距，與康文署轄下高球場一樣非常窄，伸手可及，「雖然（高球場）門口職員有要求戴口罩先入得去，但一上到條球道做運動，大家又點會戴口罩呢」。他說，昨晚球道佔用率估計仍達85％，仍缺乏社交距離，他即使「餓波」，短期內也不敢去打球。
他批評港府限制聚集措施有漏洞，「籃球場、足球場你就識封，咁高爾夫球都係球類運動，但高爾夫球場就唔規管，係唔記得，定係想保護（會打波的）有錢人呢？」他希望港府「補鑊」，要求私營高球場不能全數租出球道，分隔人流。本報昨晚多次致電高球場，但沒人接聽。
■記者于健民