巨星張國榮（Leslie）後日逝世17周年，今年受武漢肺炎疫情影響，所有公開悼念活動均告取消。曾經和哥哥合作無間的露雲娜，日前接受新城電台訪問，重提曾一度被誤會與張國榮拍拖，她說：「Leslie好喜歡同女仔講心事，我同佢同期出道又成日合作，所以亦係佢嘅傾訴對象，後嚟我仲做咗佢嘅牌友，收工就去佢屋企打牌，由朝見到晚都唔厭。佢好關心朋友，見到我哋喺片場捱通宵好攰，就會講笑話𠱁大家開心。」她指哥哥最愛吃鹹蛋，每次食飯盒必定會自動奉上。問到最想對天上的張國榮說甚麼話？露雲娜眼泛淚光說：「我好掛住你，好掛住我哋以前相處嘅日子，一齊去買衫、打牌、睇戲，每逢望到啲靚嘢就諗起你。」
此外，歐信希早前在節目中以live形式演唱張國榮的歌曲，他表示學生年代會儲錢買偶像的相、雜誌及唱片等：「喺我收藏入面，最珍貴應該係1985年出嘅《為妳鍾情》珍珠白膠唱片，係香港第一張白版膠碟，跟住係1986年《Stand Up》4色我都擁有，因為每間唱片店賣唔同顏色，搵咗好耐至集齊，仲有每張專輯嘅卡式帶，到𠵱家我都保存得好好。」
撰文：張明