球迷餓咗波咁耐，終於都有波睇喇！不過就唔係咩聯賽重開，而係「現在台」由今晚起，星期一至五晚八點會重播精選英超經典賽事。今晚打頭炮嘅，係2011/12球季曼聯（紅衫）主場以8:2大勝阿仙奴嘅比賽，當年曼聯球員名單當中，就只有迪基亞同菲爾鍾斯仲踢緊曼聯，而先開紀錄嘅韋碧克已經轉咗會去阿仙奴再走埋。阿仙奴方面，當日有份踢嘅更加已經全部離隊。呢啲經典賽事係會重新旁述，一解球迷餓波之苦，同時幫吓最近收入大減嘅評述員。我求大俠收到風，今晚為大家旁述嘅有何輝同陳祉俊，唔知佢哋會點樣演繹呢場已知結果嘅經典比賽呢？不過阿仙奴球迷就未必會想睇喇！