現為阿士東維拉助教嘅前車路士隊長泰利，日前為一個社區項目擔任義工，為住所一帶嘅鄰居運送生活必需品。呢個項目係由Oxshott運輸公司發起，公司創辦人戴維斯係泰利老死。泰利同老婆首先收取由當地企業提供嘅物資，再運送畀有需要家庭，減少大家外出次數，減低感染機會。泰利仲將自己做義工嘅片放上個人社交媒體，佢就話好開心可以幫到人，為大家帶嚟笑容。泰利話：「好高興可以參與由我好友戴維斯發起嘅社區項目，佢嘅諗法係令社區團結起嚟，希望當地居民抽出時間，為有需要家庭運送由當地企業提供嘅物質。」泰利仲tag埋呢個項目嘅網站連結，希望大家可以一齊參與，齊心抗疫。