每逢星期三、日下午，粉嶺馬寶寶社區農墟的農夫都會在田邊開檔，讓人選購時當造有機蔬菜。2月初的第一個星期三，農墟原定下午2時開放，1時多已有人在排隊，鐵閘門一推開，約50人急步內進，執起膠籃快手揀選心水蔬菜，紫色西蘭花、車厘茄、大啡菇……生怕慢一拍便沒貨可買。
有客人是識途老馬，亦有人首次光顧。檔主區流根與女兒區晞旻笑言「好誇張」，從未見過農墟要排隊。
產量供不應求
下午2時多，一位由港島啟程開車來的太太戴了膠手套、佩戴了遮蓋半張臉的大黑超，眼見大部份菜已被掃光，黑超難掩焦急。Becky即致電附近的友好農夫多收割一轉菜，3時再開賣。不到4時，第二轉菜亦售光，人流稍歇，農夫終於可以坐下吃頓飯。「平時我哋兩點開檔就跟手食飯，由得啲人買囉，不過呢幾次農墟都搞到4點幾先有得食，當晚飯咁食囉。」區流根說。
農墟墟冚如此，豈不賺多了？「我哋係咁多人手就做咁多嘢，我哋唔係印銀紙，唔會印多啲（菜）出嚟。農夫真係種到要時間，我哋唔係工廠，冇得話加班，做咁多就咁多」。田地不能催促，他們都聯絡受新界東北發展影響的農夫齊來擺檔。
馬寶寶社區農場的菜由28元一斤起，比起其他本地農場售價稍便宜，區流根解釋，因為他們自設農墟，街坊親身來選購，比起做訂戶送菜，大大減省了接單、包裝蔬菜、送貨等行政和物流工夫。