𠵱家各大聯賽停擺，球迷冇波睇，電視台都冇波播。香港有收費電視台就喺周一起，一至五晚八點播一場經典英超賽事；英國ITV電視台亦計劃喺5月重播1996年歐洲國家盃，同大家頂住癮。香港收費電視台now TV計劃喺周一至周五起每晚八點播一場經典英賽事，周一就播2011/12球季曼聯主場大勝阿仙奴8:2場比賽（圖），暫定經典賽事重播會去到4月24日，當中有唔少賽事都令人記憶猶新，例如08/09球季利物浦同阿仙奴打成4:4，「沙皇」艾沙維個人上演大四喜呢場經典。英國電視台同樣面對冇波播困境，ITV電視台就計劃5月重播當年英格蘭為主辦國嘅96年歐國盃同全部31場賽事，當年英格蘭有舒利亞、舒寧咸同現任國家隊主帥修夫基等球員在陣。