後生仔女見得多，就最容易日久生情，就好似「白滑」同「筍盤」咁，佢哋前年因為喺劇集中合作，就傳撻着，明明被人目睹男方去接女方收工，又見到佢哋相約食飯撐枱腳，之後仲孖住返白滑香閨短敍，但都依然死口唔認拍拖，所以話偽人有時講嘢千祈唔好信到十足。不過Jessie八到白滑同筍盤經過一年左右嘅熱戀期，感情已經開始冷卻，白滑仲不時四出識新男性朋友，一啲都冇避忌，佢仲會喺社交平台開心share。
點解白滑同筍盤咁快玩完？皆因男方根本唔係女方嗰杯茶，明眼人一睇都知白滑係拜金女，佢嘅前男友「水份」係小富豪喎，當年白滑同水份一齊嗰陣，白滑嘅所有使費，無論係衣、食、住、行任何一方面，全由水份一手包辦，過慣闊太生活嘅白滑，又點會甘心回歸平淡，而且筍盤嘅家庭背景好普通，所以白滑都係當筍盤觀音兵咁，抱住騎牛搵馬嘅心態，𠵱家白滑玩夠喇，仲唔一腳踢開筍盤咩？
撰文：Jessie
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。