【本報訊】戲院、健身中心、遊戲機中心等場所，昨午6時起被飭令關閉。適逢昨日是周末，有人「趕尾班車」到戲院觀賞「煞科戲」。旺角多間戲院待尾場客人進場後，陸續於下午4時半左右關門，包括朗豪坊Cinema City和西洋菜南街百老匯戲院，並貼出停業14日告示。百老匯的告示說明，受影響顧客可退款，而所持的優惠券亦可於戲院重開時更換。
中五生吳同學昨在旺角百老匯戲院看尾場電影，趕及在停業14日前進場，「平時好少出街，但呢套真係好想睇，今日都係放學先嚟，用zoom上完堂先嚟，入去都有量體溫同睇有冇手帶」，而他更發現同場只有四人觀看。
斥令基層手停口停
劉先生平時很少去戲院，「有張coupon（優惠券）免費，又知戲院今日關門，所以趕嚟睇」。他觀看的場次只有七人入場，所以不會擔心有風險。
銅鑼灣JP戲院播映《喋血戰士》，約有十數人趁禁令前趕入場睇新戲，從座位表所見，入場觀眾揀選的座位也分隔較遠。記者在戲院門外遇見商台對外事務部總監梁泰來，他說：「因為套戲今個星期先上映，喺禁令前快啲嚟睇，因為唔知幾時先再有得睇。相信戴咗口罩、做好自己措施就OK。同埋我入到戲院我會戴眼鏡，揀位會揀鬆啲、周圍冇乜人嘅。」
與女友一起前來看戲的鄺先生則說：「其實場內唔多人，又坐得鬆散，少人過酒吧又唔會對住傾偈，所以安全。我揀位時坐得好散都得。」
尖沙嘴K11商場英皇戲院和The ONE戲院亦有人看「煞科戲」，夏小姐認為新政策多餘：「要禁就應該禁晒啦，封晒城啦，但你又畀啲唔畀啲，有一個灰色地帶。」黎小姐說：「政府呢個政策係廢嘅，應該早就全面封關，人係會走動㗎嘛，你哋高官有咁嘅人工唔需要擔心日後，有好多住屋邨、劏房嗰啲手停口停，所以個措施係九唔搭八。」
■記者王連連、黃曉妍