自爆發武肺疫症以嚟，西班牙已錄得超過56,000宗武肺確診個案，周四共有655人因此而死亡，令累計死亡人數突破4,000人。西班牙國會已延長緊急狀態至4月12日，眼見國家正處於「戰時狀態」，效力曼聯嘅西班牙門將迪基亞，日前捐出30萬歐元（約257萬港元）協助正受武肺蹂躪嘅祖家抗疫。據英國《每日郵報》報道，曾效力馬德里體育會嘅迪基亞，原本以匿名方式捐款畀馬德里首都當局，協助購買醫療物資同埋支持當地基層家庭，但馬德里自治區政府主席Isabel Diaz Ayuso竟喺twitter貼文篤爆，寫住「迪基亞，多謝你！你為馬德里自治區對抗武漢肺炎病毒嘅工作，帶嚟極大幫助。無盡感激，以你為榮。」