已故巨星梅艷芳的母親覃美金上月踏入96歲，兒子梅啟明在銅鑼灣為母親擺大壽，惟當晚梅啟明指梅媽感冒缺席，《蘋果》收到消息，梅媽早前因心臟有事入院，昨日她電話回覆《蘋果》：「之前通咗波仔，𠵱家冇事啦，出咗院成個月，好返囉。」
梅媽聲如洪鐘續說：「醫生話通完波仔冇嘢，唔使戴心臟起搏器。但之前天冷，瞓覺用暖水袋，燙到隻腳起咗個泡又穿咗，十年前都試過起泡，住咗一個月，𠵱家又起返，埋緊口。之前坐輪椅出去覆診，都係朋友車我，唔敢搭的士，啲菌咁大，街都冇出，出街唔戴口罩點得。𠵱家喺屋企行嚟行去，但食西藥多，隻腳冇力，好軟。」她又提起梅姐於3歲時已識唱全首《賣花女》。
採訪：皓騫