吳海昕憑口碑劇集《二月廿九》被封女神,但她心目中真正的女神是梅艷芳︰「到𠵱家我都經常睇番佢個告別演唱會,佢嗰首《夕陽之歌》每次唔開心都會聽。梅姐唔止好有才華,仲好有自己個人風格,更重要梅姐本身係有好多故事、好多經歷嘅人。我諗佢內心有很大壓抑,但企上舞台佢就好有自信,帶畀觀眾正能量。」
揀男神方面,Sofiee笑言如果出於義氣,會揀《二月廿九》拍檔劉俊謙,因為他很有想法,Sofiee說:「今次第二次同佢合作,演戲上佢好有目標,會同我討論角色嘅交流,佢心思細密又好照顧身邊嘅演員。」但其實她偏愛男孩子略帶邪氣加少少缺陷美,所以在電影《星球大戰》(Star Wars)系列中飾演亦正亦邪Kylo Ren的阿當載華(Adam Driver),正是她那杯茶︰「佢對世界漠不關心,但對住我就無微不至,佢係有經歷嘅人,以前打仗身形好魁梧,佢面上嗰條疤痕好有型。」