【本報訊】坊間越來越多針對功能組別選民登記懶人包或攻略網頁，目光不僅放在今年立法會選舉，更志在左右2022年特首選戰。有本地IT公司以Chatbot（聊天機器人）技術，讓人省卻查閱繁瑣資料，上網click幾個掣，選擇題方式解答用戶是否符合所屬界別選民資格，IT公司Plantoo負責人黎耀認為，現時政府資訊欠透明，公民難以公平參與和監察議會。
該公司以往利用Chatbot為律師樓、婚禮計劃公司提供電腦自動化客戶服務，去年開始協助區議員提供相關服務，把居民查詢化繁為簡。之後黎耀與同事着手製作名為「Handy Hands」的聊天機器人工具，用家只要上網使用facebook messenger對話平台，便會自動以問答形式縮小選擇範圍，以26個專業界別劃分，再根據專業資格配對建議該加入的協會或商會，方便合適選民對號入座。
商會把持 登記複雜門檻高
黎耀指，時事評論人蕭若元曾建議，年輕人只要熟讀政府百多頁的功能組別選民資料並登記，便可增加立法會選舉及特首選舉的民意代表性。然而真正翻閱相關資料後，才發現比想像中複雜，除了本身是公司票及專業資格人士，大部份從業員需要先成為某些協會、商會的會員，取得投票權。
然而各個協會、商會入會方法各異，或須繳交會費及年費，或須推薦人介紹，方能在會內擁有投票權，「最難搞係零售批發界，共82個協會，有啲上網google完全搵唔到資料，有啲有網站、電話，但打去佢會話𠵱家唔接受新會員，有啲話一定要有介紹人。有啲有網站、有入會表，但冇講明邊啲會員有資格喺大會投票」。黎耀的同事Emily無奈道，光是綜合82個協會的資料，已花了逾兩個月時間，部份至今仍未回覆。「一般人點會有心機處理呢啲資料？」黎耀說：「我唔明點解有個畀人參與選舉嘅機構，可以話唔再收新會員……喺監管上，呢啲機構根本冇盡佢作為界別代表嘅角色，將業界人士吸納入去，再將聲音帶入議會。」
黎耀認為現時功能組別最大問題是資訊不透明，而將資訊變得透明是資訊科技重要一環，「透明兩個定義，一係令人易明，但佢發放嘅文件令人唔易明；第二個透明令人可以監察到件事，例如零售批發電話都冇叫人點監察佢？電話都冇人聽，想問吓佢點運作完全唔知道，黑箱作業」。
■記者陳詠恩