武漢肺炎全球大流行，歐洲疫情近日亦趨嚴峻，黃秋生的三個兒子分別身在英國和加拿大，前晚他在社交網上與網友展開討論，指特首林鄭月娥的佛系抗疫對策似足英國，言談間，他更提到自己兒子也身處英國，令他感受到當地人士對疫情的驚恐。昨日秋生回覆《蘋果》時更表示：「做父母嘅，就梗係擔心。」
影帝黃秋生向來勇於為民發聲，前晚他在社交網留言，揶揄特首林鄭月娥的佛系抗疫對策，如英國般根本未能制止疫情爆發，他留言：「政府話研究過效法英國，點解唔效法祖國呢？我問下啫。」
要三個兒子留家中避炎
秋生的留言引發不少網民討論，有網民留言：「其實我哋喺英國好驚。」秋生答：「我知，我個仔喺英國。」秋生有三子，大仔睿銘和二兒子煜政現身處在加拿大，幼子William則在英國讀大學。昨日秋生回覆《蘋果》時表示William已經停課。他說：「William之前喺大學，已返咗佢媽咪屋企。」提到另外兩名在加拿大的兒子，秋生續說：「佢哋都係留喺屋企，冇返學，冇返工。做父母嘅，擔心就梗係擔心，唔擔心得咁多，只會叫大家小心，聽話就最好，佢哋OK嘅，都醒目，最好真係留喺屋企。」秋生跟正印吳惠貞1992年結婚，育有兩子睿銘和煜政，早年出軌撻着岑建勳外甥女Joyce，兩人十年地下情生下兒子William，母子其後移居英國生活，Joyce與現任外籍老公現育有一對子女。
秋生自上星期起已在社交網大罵內地留學生號召在台灣機場轉機，令內地及港府反指病毒由外地輸入是「讀屎片」，此事令網民留言罵他是「港獨」，秋生前晚在社交網留言：「祝大家順利受過死陰的幽谷，真的，無論你是誰。來辱罵的，可否有點水準？都不懂修辭，完全沒有技術含量。」此外，有網民提到武漢市將於下月8日「解封」，並在內地旅遊網站發現下月8日、9日由武漢前往香港西九龍站的高鐵車票已全部售罄，擔心香港的疫情又再大爆發，秋生前晚留言：「搞到香港變喪屍之城就安樂，武漢一旦解封，唔走難先奇。」
喬寶寶返英見無罩機場
另外，現年50歲的喬寶寶早前與無綫解約，決定返回蘇格蘭與家人團聚。昨日乘飛機到達英國的喬寶寶回覆《蘋果》提到當地情況，他說：「呢度差唔多有八成人都冇戴口罩，機場職員、保安同清潔全部人都冇戴，真係no eye see！」他還說：「可能香港之前經歷過沙士，所以喺呢方面嘅意識好強，但係歐洲人就唔會，最多只係有啲舖頭職員戴手套，口罩只得亞洲人會戴，真係好危險！」喬寶寶稱會在家中自我隔離14日，最快9月再決定會否返香港。
喬寶寶前日出發前與情如姊弟的李麗霞（黑妹）吃飯，黑妹還送他入機場，黑妹昨日受訪，問到喬寶寶選擇在這段時間返英國，會否很危險，她說：「本來佢係4月1日先走，我哋仲約咗29號食飯，但係嗰日佢坐嗰班機取消咗，得番噚日嗰班，所以咪即刻走，不過佢返到去都要隔離。」
採訪：陳杰、唐琛悠