「我哋要搵食咪繼續開工，點知俾警察抄牌，第二日，我先收到運輸署嘅新行車證，真係好憤怒！」港人黃先生從事中港運輸生意，持有兩部拖頭車，主要穿梭中港運載水果、電子產品等，兩部拖頭車的行車證同於3月中到期，他早在3月初已完成驗車。
黃先生委託代理將文件投遞入箱，「我已投遞兩星期，我估應該搞掂啦，我都要搵食嘛！」怎料，其中一拖頭車被警察抄牌，包括沒有展示有效行車證及違例泊車，分別罰款450和320元。結果抄牌翌日，新的行車證寄來，「佢搞咁耐都未完成，我又查唔到進度，乜都唔知！」
黃先生持有另外30條拖架，已完成驗車，行車證即將到期，擔心續牌需時，影響收入，「一個拖架每日搵4,000蚊一轉，如果停工一周，即係冇咗28,000蚊。」他建議運輸署簡化網上申請續牌的程序，同時車主可上網查看進度。