【本報訊】尖沙嘴諾士佛臺酒吧老闆呻生意艱難。知名夜場Arena Bar by Zerve負責人Alex（圖）無奈指，其生意由全場爆滿，一日收入達5萬元，轉眼變成今周日日「拍烏蠅」，最差更試過整日僅得數千元收入。Alex說，其酒吧單單每月舖租已達20至30萬元，加上人工及水電支出，每月開支高達50萬，若生意長此下去，將面臨經營困難。
他認為，如政府硬推禁酒令，一定引發結業潮。「唔好講賺唔賺錢，我哋都要交租，啲員工都要養家食飯。」他指不少酒吧、夜場有八成收入依靠賣酒，早前曾嘗試加入外賣行列，惟反應平平。「嚟飲酒都係講個氣氛，做外賣的話佢哋不如去幫襯便利店買酒。現時酒吧唔畀賣酒，唔通轉做酒樓食點心？」
半數酒吧恐結業收場
酒吧業協會副主席錢雋永怒指，政府未有在源頭做好把關，以及強制隔離工作，轉頭卻將責任推卸到酒吧業，做法不負責任。同時，他估計強推禁酒令，會有超過半數酒吧結業收場。錢雋永補充指，明白政府抗疫需制定政策，業界亦樂意承擔社會責任。惟希望政府為業界補貼停業期間租金，以及八成員工薪金。