何雁詩早前宣佈約滿唱片公司轉為獨立歌手，前日她到新城電台接受訪問後，昨日就有消息指她當天晚上出現發燒症狀，未婚夫鄭俊弘更即時載她到醫院求診，因她曾接觸過不少新城員工及現場傳媒，令人擔心。何雁詩昨日回覆《蘋果》時說：「多謝關心，放心，有乜嘢會update大家！」
鄭俊弘昨回覆傳媒時說：「𠵱家一齊留喺屋企，OK嘅冇乜事，佢有啲唔舒服，有啲喉嚨痛，噚日睇醫生話佢冇乜特別。」問到會否擔心「中招」，他說：「唔擔心，佢冇接觸過病患者，不過噚日都做咗快速測試，報告兩個工作天就有。」他還說：「佢當然要留喺屋企休息，我會陪佢，我哋都唔出街喇，喺屋企都有保持一段距離。」他表示何雁詩暫時取消了手頭上的工作。
採訪：唐琛悠