NBA洛杉磯湖人名宿拜恩今年一月底在一場直升機空難中逝世，消息震驚全球。事隔兩個月，仍有不少籃球迷四出找尋其相關產品，冀以珍藏向這位籃壇標誌人物作最後致敬。不過，NBA產品專門店Shooting Five店主黃傑就指疫情加上供應緊張，形容拜恩的產品「𠵱家想買都未必買到」，提醒一眾粉絲耐心等候。
黃傑表示拜恩的產品自他2016年退役後，一直都不乏捧場客，過身後的幾天更一度出現一股搶購潮，球迷甚至要排隊分流入舖搜購。拜恩相關產品眾多，以adidas球衣及T-shirt最受歡迎，但現時店內大部份產品都已沽清，只剩少量特別版球衣。
而在過去的兩個月，幾乎每天都有人查詢拜恩產品返貨情況：「有啲客之前買唔到，都會打嚟問睇吓有冇機會有返貨，明白大家都係想買番一份回憶或者紀念。」不過，黃傑補充指現時武肺疫情肆虐，美國當地的物流運輸較為混亂，加上出貨量減少，預計要1至2個月時間調整，相關產品供應才回復正常：「𠵱家想買都未必買到，Kobe Fans或者真係要有耐性等多陣。」
記者：麥卓溢