警方昨日以殖民地年代訂立的《刑事罪行條例》第九條及第十條，拘捕中西區區議會主席鄭麗琼，事件不止引起民主派譁然，更引起政界關注，因鄭只是在社交網轉發文章，當中不涉任何犯罪或鼓吹犯罪行為，竟可以用煽動謠言拘捕，「已經唔只係以言入罪，而係講任何嘢都可能有罪」，有民主派區議員更指，今次事件反映林鄭政府正以「兩條腿」方式追殺區議會，「一條係行政打壓，一條係警權打壓」。
北京授意打壓區會
有政界人士指，鄭麗琼在社交網貼文，「最多咪話佢觸犯差人起底個禁制令，但𠵱家用條史前法例告煽動謠言，好多法律界鬧根本咁做法係違反人權法，但差人可以照用嚟拉人」，連一些較保守法律界人士也對他說，警方用有關法例拉鄭麗琼有問題，但更令不少人擔心的是，鄭在社交網轉發文章，根本不涉任何煽動他人作犯法行為，「明明唔關煽動事，都可以用煽動罪告，即係以後任何人、講任何嘢，只要差人唔滿意就可以告你煽動謠言，咁已經唔止係以言入罪，而係講任何嘢都可能有罪」，該政界人士形容今次事件「比23條更毒」，「23條都講明涉國家安全，𠵱家係乜都可以拉」。
民主派區議員則說，今次事件反映林鄭政府正以「兩條腿」方式追殺民主派控制的區議會，第一條是行政打壓，「林鄭政府全面不配合區議會，甚至用行政方式阻區會做嘢，廢咗個區會」，另一條則是以警權打壓，他更相信背後有北京授意，「用公權力打你，又拉又鎖，想打到你怕，呢啲咪典型北京政法委手段，背後咪北京控制」，但他指有關手法只會令民主派、市民反彈更大，「積積埋遲早再大爆發一次，重演半年前抗爭」。
季陶
周一、三、五刊出