英國傳媒報道，車路士已答應翼鋒韋利安嘅請求，等佢喺英超停擺期間返祖家巴西，陪伴早前離開英國逃避武漢肺炎疫情嘅老婆同兩個囡囡。受到武肺影響，英超最少要停擺到4月30日，不過，由於英國疫情嚴重，韋利安可唔可以喺比賽重開前成功入境英國都成疑問。外媒指曾有多個喺英超落班嘅海外球員，都唔獲所屬球會放行歸國，車路士就話，會按照個別情況考慮球員嘅申請。韋利安今年六月底就約滿，但呢個31歲球星話，就算到時球季仲未完結，都願意繼續為車路士上陣。早前有報道指，喺2013年加盟車路士嘅韋利安，由於仲未就續約年期跟球會達成協議，好大機會喺今季結束後離隊。