曼聯前鋒安東尼馬迪爾把握英超停擺唔使比賽嘅時間，搵咗老婆美蓮妮幫手剪髮，美蓮妮就用簡單直接方法同馬迪爾剃光頭。
成為光頭佬嘅馬迪爾成為網上引來熱話，有唔少人認為呢位24歲法國前鋒同昔日阿仙奴傳奇亨利越來越相似。馬迪爾喺剛出道時，因為踢法同把握能力不俗就被稱為「新亨利」，呢次剃光頭令到呢位紅魔前鋒同亨利嘅相似地方再度增加。馬迪爾嘅光頭look引來網民討論：「馬迪爾喺隔離期間睇咗太多亨利嘅入球精華」、「馬迪爾真係好似亨利」、「英超金靴，我哋嚟啦！」喺英超停擺前，馬迪爾喺英超嘅腳風甚順，喺過去4場聯賽攻入3球，全面彌補咗拉舒福特受傷缺陣所帶來嘅影響。