【本報訊】蘭桂坊熱鬧不再，一周有六晚都蒲老蘭的Blue指，上周三政府公佈有武漢肺炎確診者到蘭桂坊消遣後，夜場以免入場、送飲品吸客，但他一晚走勻四個夜場，只見一片死寂，大呻無癮，但表明不會因疫情停止夜蒲，「呢啲嘢避唔到咁多。」
昔日夜場向男士收入場費是指定動作，價格由200至400元不等，如周末不預約，幾乎很難入場。惟疫情下，各夜場免入場費之餘，還送飲品，有三年蒲齡的Blue表示，雖然零消費，但大嘆氣氛大不如前。上周五晚上11時開始，他連走四場，本來可容納近200人的夜場，只有近10人光顧，無人跳舞，夜場也懶得炒熱氣氛，「以前音樂會做mixing（混音），等人high啲，但𠵱家播啲YouTube都聽得到嘅歌。」
蒲友不願外出，影響夜場男女比例，「唔平均到好似落咗Gay Bar咁。」最終於3時許感無癮回家。Blue回想去年抗爭運動時，蘭桂坊仍有客入場，至疫情下才變「死城」，近日政府再無理推禁酒令，多間夜場要暫時停業，他惟有轉場消遣，「多得林鄭唔少」，又認為長此下去香港將會「玩完」。
■記者盧藹雯