特首林鄭月娥日前終於肯封關，但較其他地區，有關措施仍然是「慢半拍」，但林鄭死不肯認抗疫反應遲，反指要跟從疫情變化而行動。
憂武漢解封未提高防禦
有政界中人直言，所有抗疫措施也要有超前思維，不少專家已警告不下多次，不能等情況出現才做，否則已是太遲，就如湖北、武漢解封，當中不能排除有隱形帶菌者逃到其他省市，港府是否要加強內地來港人士檢疫？「等到真係有個武漢隱形帶菌者入咗嚟，到時再做已太遲」。該政界人士指，由最初對大陸封關、強制外國回港留學生隔離，以致對海外封關，不少專家在未出問題前，早已要求政府先做有關措施，防患未然，「但林鄭次次唔聽、次次爆咗鑊之後先做，仲好意思話因為政府措施，所以冇大爆發」，其實所有防疫措施，也應超前於疫情，「即係預計有問題就立即做，唔係出咗事先補鑊式去做，咁先可以真正防止疫情擴大」。
另一民主派人士指，大陸解封湖北、武漢，當地將全面恢復對外交通，可預期不少被視為安全的人，或會選擇離開武漢到其他地方避難，但當中會有多少屬武漢肺炎隱形病人？有多少是假陰性病人？誰也說不准，「有幾多冇人知，但係話完全冇？一定冇可能」，港府是否要行前一步，加強對內地來港人士檢疫？「如果有武漢隱形帶菌者經其他省市先嚟香港，又冇強制隔離，萬一佢家居隔離期間，喺社區周圍走，咁點算」。
季陶
周一、三、五刊出