連詩雅、黎紀君和邢慧敏，昨日在新蒲崗為網上直播平台拍攝烹飪節目， 連詩雅直言今日負責試食：「雖然淨係試食，但都有份煲咗個湯，好啱𠵱家飲。」問到閒時可有為男友下廚？她笑言：「我最叻煮公仔麵，最多煎隻蛋。」連詩雅表示近來工作量減少，惟有專注做網上直播，望大家同心抗疫，又透露身邊有朋友早前外遊後要接受隔離，她說：「佢之前喺日本同朋友食飯，嗰位朋友後來確診，返到嚟香港佢都即刻入去政府嘅隔離中心，好彩檢測最後係陰性，亦令我覺得其實疫情可以離自己好近。」
另外，向來擅長製作甜品兼教班的黎紀君就表示，因受疫情影響，為大家安心，所以近來專注一對一授課，她又坦言生意多少有受影響：「前排情人節定單的確少咗，近來好返少少，但大家都會order小型蛋糕，可能都預喺屋企食，我仲會安排送貨服務。」
採訪：曹家誠
攝影：林賓尼