黃翊身兼歌手與食肆老闆，自香港去年中至今長達9個多月的逆權運動仍未平息，同時又遇上武漢肺炎肆虐，令本來已經歷低潮的各行各業雪上加霜，他在大埔經營的大牌檔和冰室同樣受影響。黃翊坦言一殼眼淚，不過他會趁着演出工作取消，專心睇檔，落手落腳清潔店舖，與港人齊抗疫，共度時艱。
撰文：曹家誠
攝影：陳俊強
現年52歲的黃翊，經歷大半年的社會運動，加上來勢洶洶的武漢肺炎，全方位影響其演藝工作與冰室生意，但他仍對整體前景樂觀，黃翊日前在大埔接受《蘋果》訪問時說：「講開真係一殼眼淚，出返嚟唱歌三年，最近一年慢慢多啲工作嘅時候，就嚟呢個疫情，所有商演、登台全部取消晒，即使社會運動嗰段時間都冇停得咁多，惟有乖乖地唔好亂使錢，專心留喺度睇檔啦。」
盼獲批基金紓困
提到大牌檔和冰室的影響，黃翊稱大牌檔所在的政府場地，上星期開始進行為期半年的翻新維修，連帶大牌檔亦要跟隨停業，現時專注於冰室生意，但面對生意下跌，黃翊說：「已經冇減價空間，但一定唔敢加價，你話賺錢就冇㗎啦，好彩暫時唔使過街市嗰邊，惟有多啲嚟幫手，做清潔同陪客人傾吓偈。」黃翊指希望政府早前宣佈的100億元防疫抗疫基金可幫得上忙，協助紓困。
撲口罩覺得淒涼
疫情嚴峻，黃翊對於冰室的衞生很講究，要求所有員工都要提高衞生意識，他更會落手落腳為店舖清潔消毒。黃翊表示冰室每日要營運，對口罩和清潔用品的消耗也不少，每日均要用上一盒口罩，他坦言看到市民為口罩等物品要通宵排隊感心痛：「見到啲公公婆婆要排隊輪口罩就覺得淒涼，雖然病菌唔可以睇小，但大家真係有啲恐慌性去搶購，咁唔係一件好事。」黃翊希望政府高官可以真正聆聽市民的訴求：「希望佢哋嘅反應快啲，做番啲嘢等大家安心啲，淨係講呢個疫情，大家都已經聽到好多民怨。」